趙碩之前晚帶師弟鍾一憲到銅鑼灣欣賞《狂野時速5》首映，袁彌明則帶新男友魏先生亮相。趙碩之透露早前到上海拍寫真時轉了新形象，自覺短髮更顯女人味。
袁彌明拖新仔
談到寫真的性感程度，趙碩之說：「喺上海外灘着住T-back同透視衫影相，好多途人圍觀，好尷尬。」她謂雖然露股，但拍攝順利。提到潘霜霜挾林峯前女友之名出寫真，趙碩之說：「乜佢哋仲一齊咩？我會送一本畀林峯。」
袁彌明和男友拖手晒恩愛，她說：「帶出嚟每間報館都影到相，就唔使狗仔隊跟。」她謂男友做建築工程，不懂中文，不清楚娛圈事。至於結婚，她說：「求婚我會考慮，佢見過我家長，佢家長喺加拿大，我打算8月探佢哋。」
採訪、攝影：何慧斯