足球員退休後多數都係做教練或者相關嘅工作，之不過好鍾意蒲嘅車路士後衞艾殊利高爾（A高、圖）就希望掛靴後做樂壇大亨啦！佢最近同美國Hip-Hop歌手Jay-Z（小圖）密密斟，話想同佢齊齊搞音樂生意，熟習音樂製作幕後嘅程序，以展現佢對音樂創作嘅熱誠。A高仲好認真咁話佢退休後想搞經理人公司，屆時可以簽入唔同嘅Hip-Hop歌手，真係多諗頭！