花旗股市氣勢如虹，上禮拜五道指升破12800。花旗經濟隱憂唔少，但資金氾濫，資金流入金融市場好正常。上日花旗股市嘅升勢仲有一樣嘢要留意，就係成交大增，顯示道指可能好快就會突破13000關，形勢對港股有利。
港股雖然連跌4日，但係仍然係整固形態，滙控（005）蠢蠢欲動，要特別留意。
澳博C輪28496：澳博控股（880）上日報收16.74元，升4.2%。股價調整幾日又再回復升勢，上日重返10日線樓上，相信突破前高位17.30元冇難度，炒上先睇20元，可以諗吓隻C輪28496。
隻輪現價26.5仙，2011年11月4日到期，行使價17元，溢價17.4%，引伸波幅57.8%，槓桿率6.3倍（有效3.6倍），正股升上20元，28496有機見47.8仙，升幅達8成，幾吸引，正股跌穿20日線（15.84元）就沽咗隻輪。
俊樺