一向做開主持嘅陳啟泰，最近突然進軍樂壇出碟，佢首新歌仲好威水，攞咗內地先鋒榜嘅冠軍㖭。陳啟泰噚日接受商台訪問，佢好開心話：「真係好彩，冇諗過，今次真係幫我打咗支強心針。」陳啟泰話自己冇諗過40幾歲人，突然有唱片公司簽自己仲出埋碟，佢話：「今次有好多人支持我，雖然有啲人笑我係老新人，但佢哋都會繼續支持我喎！」