盛傳因拍劇集《心戰》而撻着的陳茵媺（Aimee）和陳豪，兩人的戀情開始明朗化之際，突然有指蕭正楠介入，有指他抓緊合作機會向女方獻殷勤，可惜「神女無心，襄王有夢」，被取笑遲了一步的蕭正楠說：「係囉，識得遲咗，點解我冇份拍《心戰》呢？」最後他更承認是輸家。
黎耀祥、張可頤、陳茵媺和蕭正楠等演員，昨日在將軍澳電視城為無綫新劇《法證先鋒III》拍攝片頭，Aimee和蕭正楠這對緋聞情侶獲安排站在前排兩側，拍攝後兩人大方合照及接受訪問。
否認戲假情真
有指蕭正楠拍攝時向Aimee獻殷勤，但現在Aimee與陳豪的戀情已明朗化，受訪時輸家蕭正楠表現尚算大方，問在劇中與Aimee演情侶的他會否戲假情真？他口窒窒說：「戲、戲、戲假情真？冇，我同Aimee係好同事，真心嘅，所以我都好奇怪，最近突然喺差唔多拍完呢部戲，先有呢啲咁新聞，好彩件事唔係真，變咗同Aimee都唔會尷尬。」問蕭正楠是否怕了陳豪這對手？他說：「唔怕，佢不嬲都咁好人，我拍呢部劇冇撞過阿Mo，佢依然有提供咖啡。」
言談間蕭正楠對Aimee讚不絕口，說Aimee工作認真兼且又有愛心，應該配很優質的男士。問蕭正楠是否真的沒對Aimee動心？他尷尬說：「真係冇嘢呀！朋友都可以欣賞對方，我哋真係friend囉。」蕭正楠更被取笑遲了一步，對此他笑說：「係囉，識得遲咗，點解我冇份拍《心戰》呢？」最後蕭正楠更承認自己是輸家。
獲Aimee推薦
聽到蕭正楠認輸，在旁的Aimee即拍住他肩膊說：「呢個都係好男仔呀，香港女仔可以考慮！好彩我哋今日係拍攝最後一日，呢啲緋聞可以喺度停止。我同蕭正楠係第一次合作，我哋好friend，係兄弟姊妹，佢哋兩個（指陳豪與蕭正楠）都係好男仔。」
採訪：何慧斯 攝影：黃偉雄