娜姐周秀娜311地震前踢走藤井Lena，坐正日牌內衣任Model一姐，無奈攻日計劃被迫叫停，不過，娜姐對日本這個地方的愛卻絕對有增無減，現時，人在香港，心在日本，於是乎Keep住掃日牌聊解慰藉，並以此身體力行明撐日本！Chrissie原來家仲做埋男友Avis的形象指導，成日孖住「騷肌」踩入潮店Collect心頭好。娜姐，真抵錫！
記者：陳子穎
攝影：林栢鈞、黃子偉
化妝：JohnathanY.@Finebride（Chrissie）、Meegan（Avis）
髮型：[email protected]（Chrissie）
天氣女郎
自從半個身踩入日本發展後，Chrissieo架味越來越濃。化妝外，連服裝都專攻日牌。也難怪，Chrissie得天獨厚，骨架勻稱，根本沒必要把自己定型，喜歡穿甚麼就穿甚麼。「我每天都是依據自己當日的心情來揀衫，好像今早感受到天氣很好，便選了這條碎花長裙，希望感染身邊的人，都充滿正能量。」碎花長裙是Chrissie近期至愛的打扮之一，佢話畀人感覺好性感喎！
繼續民族風
女友帶挈愛日牌
性感？周秀娜已經夠晒性感，還須靠衣服調味？此時，Avis替她解畫：「我從來都不覺她性感！等於去沙灘，你一定會穿Bikini，好正常啫！如果你接受唔到Bikini，就去唔到沙灘！」在常人眼中，性感不性感，只在乎穿得多與少。然而，穿得密實，都可令人有Fantasy，才叫真正SexyQueen！周小姐，查實你已做到！相反，娜姐眼中的Avis，帶給她無限Fantasy：「我常笑佢『騷肌』，佢好鍾意着緊身Tee和背心騷肌肉，佢手臂嘅線條又真係好煞食！」Avis話佢買衫一向無主見，買親衫都畀Chrissie彈，如是者，買淨色Tee襯牛仔褲就最Safe。不過，因早排女友常到日本公幹都順道替他入貨，令本來對日牌一向沒甚興趣的他，也開始留意HARE。「以前覺得日牌Size偏細，自己着唔到，所以好少留意，然而HARE以日本街頭流行元素為藍本，再混入高級時裝的設計元素，好捉到男仔貪靚嘅心態，今季出嘅SportFashion，我買咗唔少。」
娜姐全熟透
星味越來越濃的Chrissie，對時裝益發有研究，只要你講得出想要咩Style，佢就會話到畀你知哪個牌子最好。「熟讀日本少女時裝雜誌的女生，對LOWRYSFARM一定不感陌生。LOWRYSFARM以清新悠閒作賣點，擅長在基本服上加上當季流行元素，長年高踞日本少女服榜首位。JEANASiS就擅長在流行服上，滲入細節位，適合比較CoolStyle的女生。而我近期則愛上以甜美性感形象號召的Heather，今季的FloralPrint和民族系列，少女味好濃，其See-through及雪紡質地仲好舒服！」嘩！娜姐，今勻你真係「熟透」！
率性男子組
collectpoint（29920272）
尖沙嘴廣東道28號新太陽廣場地庫B4-5舖