曼城前鋒巴洛迪利（右）喺上周六完成咗一個領隊唔想見到、隊友討厭嘅「帽子戲法」，就係今季第3次喺練波時同隊友開拖。「腦殘」嘅巴洛迪利早前喺練波時分別與謝路美保定同耶耶托尼衝突，上周六又因為不滿高柏尼（左）一次攔截過勇，初時口角，繼而動武，如果唔係隊友占士米拿同耶耶托尼上前調庭，後果可能不堪設想。