蔡一傑昨晨涉醉駕被捕，幸好車毀人未傷，他現正保釋候查。傑仔一向在圈中人緣甚廣，昨日他不少好友得知此事都大表愕然，力證傑仔一向貪靚故平日甚少飲醉失儀。至於曾因醉駕被罰停牌的謝天華，昨日以過來人身份表示，案件進入法律程序甚麻煩，更深信傑仔事後必定後悔莫及。
蔡一傑昨日涉嫌醉駕被捕，幸好只是車毀人未傷，到警署落口供後傑仔可保釋外出，現正待警方調查案件。
祖兒讚有儀態
曾於09年被控醉駕罪成的謝天華，當年駕車和的士發生意外，經過「吹波波」檢查後，其體內酒精含量超標一倍，謝天華結果被判囚六星期但可緩刑一年，另被罰款9,500元和停牌一年半，昨日謝天華到荃灣出席活動時，被問到傑仔涉嫌醉駕一事，他以過來人身份說：「千祈唔好再飲醉酒揸車，好多藝人有先例，或者佢當時失咗判斷，傷唔到人同自己算不幸中嘅大幸。傑仔家醒番會好後悔，進入咗法律程序會幾麻煩，希望件事快啲過。」
至於和傑仔相當老友的容祖兒，昨日現身時則力撐好友說：「我試過同佢嗒過一、兩杯，冇見過佢爛醉，最多都係慶功宴飲少少，佢咁有儀態都好少失態，希望佢冇事。」而林保怡現身沙田賽馬活動時，就傑仔涉醉駕一事表示：「飲酒唔應該揸車，要飲酒就要先泊好架車，佢大個仔要乖，經過今次，之後要乖啦。」
校長慨嘆失策
身為校長的譚詠麟昨日在溫拿簽名會時，被問到傑仔一事，他語重心長說：「點解咁失策呀？飲咗酒就唔好揸車，家有啲叫做代揸，搵呢啲人幫手嘛。」同場的鍾鎮濤則表示和傑仔是好朋友，在溫拿演唱會DVD中亦有草蜢演出，他說私下會致電慰問傑仔。
採訪、攝影：文國駿、胡比、溫敏芝