謝婷婷、林保怡、李亞男及胡定欣等昨日現身沙田馬場，出席愛彼錶女皇盃活動，婷婷笑言父親謝賢愛收藏腕錶，她說：「佢有好多手錶，以前細個唔知佢啲錶咁名貴，霆鋒都送咗一隻錶畀佢。」婷婷自言未有收過霆鋒送手錶：「哥哥冇送過錶畀我，生日禮物都冇收過，我哋都冇送禮嘅習慣，不過之前我叫佢上網幫我訂張凳，佢都冇收我錢。」
問婷婷想收霆鋒甚麼禮物，她笑說：「想要一部二手車都OK，不過媽咪唔畀我喺香港揸車，驚我手車辣得滯，佢叫我辣椒仔，阿哥手車我坐過，幾安全。」
四太讚超盈男友
此外，許世勳夫婦名下的「讚惑」及賭王何鴻燊名下的「爆冷」有參加其他賽事，均未能勝出，四太梁安琪也有到場，她透露會與子女下星期慶祝母親節，記者問到她是否視長女超盈男友Greg為未來女婿，她說：「你問何超盈，佢幾好。」
採訪：顏英儀
攝影：林德雄