黃婉曼最近出書，昨日她在觀塘APM舉行簽名會，親自邀請了麥玲玲、黃柏高和朱薰出席。為避免被男友搶鏡，黃婉曼拒絕叫男友到場，她說：「我叫佢唔好嚟，費事俾佢搶晒鏡。」
堅拒三點式
黃婉曼表示所有嘉賓跟她都有淵緣，她說：「麥玲玲師傅成日提點我，舊年佢叫我唔好諗結婚，我另一半要係異地人，喺外地出世都得，都係多得佢提醒，所以我舊年有自己事業。」
黃婉曼有異地緣，但其男友不是外國出世，會否不是真命天子？她說：「唔係啩，佢喺外國讀書，算唔算？我唔會咁迷信嘅，最緊要相處得開心。」黃柏高則表示開拍新戲，有意請黃婉曼三點式演出，但遭她一口拒絕，黃婉曼說：「我寫書得喇，我好低調。」
採訪、攝影：楊潔雯、陳順禎
