無綫《2011勁歌金曲優秀選第一回》前晚在將軍澳電視廣播城舉行，各獎項名花有主，出席歌星包括林峯、Twins、梁漢文和容祖兒等。
無綫親生仔林峯早前受到舊愛潘霜霜爆料，負面新聞纏身，因此有傳無綫把原先頒給古巨基的最受歡迎華語歌曲獎，轉頒給林峯為他造勢，對此他表示未有聽過這個傳聞，問他會否覺得無綫出手幫他造勢？他說：「我唔知首歌喺無綫成績點，但張碟就攞咗四白金，內地又得過獎，成績都好理想。邊有公司唔撐自己人，至於其他嘢我就控制唔到。」林峯直言覺得其得獎歌《讓我愛你一小時》是好歌。
「年年煲年年都冇份」
有傳明年初《勁歌金曲》總選的最受歡迎男歌星獎也會頒給林峯，此外也有傳無綫會捧他做視帝，林峯聞言苦笑說：「吓，家幾多月呀，咁快就煲年底嘅事，求吓你哋唔好煲電視劇獎，年年煲年年都冇份，唔好用我做話題。」記者笑言因林峯拿不到視帝獎，故無綫頒男歌手獎給他補數，他說：「唔好咁講，我只會做好本份。」
同場的Twins一同上台領獎，蔡卓妍（阿Sa）對於前夫鄭中基（Ronald）日前和腹大便便的女友余思敏十指緊扣現身，她說：「再恭喜佢，第四次喇。」祝賀Ronald的BB健康後，阿Sa已不願多提。
採訪：李珮洳 攝影：陳俊強
