近期因劇集《點解阿Sir係阿Sir》而人氣急升的樂瞳以及蔡嘉寶（Akina），昨日穿上日式浴衣到尖沙嘴出席「PSP芒亨獵人祭」，吸引半百fans圍觀，二人更為參賽者炮製營養食品。
人氣升工作多
活動期間司儀曾叫樂瞳及Akina於遊戲機螢光幕及杯墊上留下唇印，但兩人沒照做，事後樂瞳坦言覺得尷尬：「唇印唔可以亂送，最怕有病菌同塵黐住喺上邊。」問樂瞳是否擔心男fans拿到後會錫錫她的唇印？她笑說：「人哋拎住做乜我控制唔到。」
樂瞳指近日工作量增加，但未知有多少錢收入，問她收入是否多過做歌手時？她說：「唔可以咁講，嗰時都好多嘢做，而且出碟係我夢想。」
Akina男友至上
暫沒有男友的樂瞳強調現時珍惜工作機會，拍拖反而是其次。此外，樂瞳說前晚與《點》劇的演員聚會：「大家成日見，都係傾吓偈食吓嘢。」Akina則表示，為了拍拖一年的男友，工作時不會穿得太性感，而且不會與其他男性有太親密接觸。
採訪：李珮洳
攝影：仇志德