頸都長埋，白色iPhone4終於登場！電訊商揞住半邊嘴笑啦！
小記仲發現一向捧開蘋果場嘅數字台，最近出咗個以智能手機為賣點嘅新Plan，計落仲幾So！0機價、$148月費、送18個月無限數據，雖然明知有大把條款喺背後，一樣吸引到小記去放蛇問價。今次榜上有名嘅有XPERIAarc、GALAXYS、DESIREHD等等當熱手機，當然部部機牌價同預繳都唔同。
小記鍾情MO記DEFY，問過職員，簽20個月約，月費$148加埋隧道費同鈴聲接駁服務，用某信用卡仲可免預繳，一個月畀$180都唔使，又幾抵玩喎！
記者：王震遠