男女平等，呢個話題講咗幾百年都有；咁啱「+0姐」憑扮演武則天就當選咗最佳女主角，中華地區又真係有機會出現女性領導人，台灣民進黨決定咗派「English」做來年總統大選候選人，挑戰國民黨嘅「小馬哥」。
小弟對台灣政治唔多熟悉，唔知呢位民進黨鐵娘子有咩咁把炮，不過就覺得小馬哥好黑仔，上任後不時天災人禍，最近連觀光火車都不幸出軌，做成幾十人死傷。
不過台灣畀小弟印象都算幾大男人，要選民投畀一位女人做總統，等於要美國選民投畀一個黑人咁難，不過，奧巴馬都做咗總統啦！男女有平等，賭波就有平手，韋根對愛華頓開平手，韋根護級決心夠，值得支持。
牽牛
星期六27
韋根vs愛華頓
心水：韋根（平）
心得：韋根主場搶到分