平有平食貴有貴吃，母親節聚餐最在乎仔女子孫整整齊齊圍枱開飯。二百元有鮑參燕窩落肚當然抵吃，豪一點來個$6,888套餐更一流，當中的樟茶鴨嫩滑得無話可說，夾軟包餵到埋口，皇太后一定笑晒。
記者：松本幸
攝影：梁細權、梁文忠
Model：Alice、Monnie、Ryan
皇太后，糖水夠唔夠Sweet呢!
豪食 健康三低上海菜
養兒一百歲，長憂九十九，做仔女的應該要說：「養母一百歲，飲食要三低。」甚麼三低？當然是說低油、低鹽及低糖，要為母親的健康着想嘛。「新滬坊」以健康上海菜馳名，推出的「母親節精選晚膳套餐」，烹調方法主張少油少鹽少糖，不會過鹹過甜，也不會吃到滿口油。餐廳方枱卡座俱備，有落地玻璃能飽覽維港美景，吃飽欣賞迷人夜景，再來個全家福，兒孫仔女齊齊對鏡頭笑，幸福滿瀉。
套餐共有十道菜，先來個冷盤滬坊六小碟（風味脆菇段、馬蘭頭百頁卷、五喜烤麩、鎮江肴肉、舟山海蜇頭、巒巒千層），讓味蕾作好準備，之後有高湯津白雲吞雞，雞湯燉足三小時，金華火腿有鹹香，雞肉嫩滑，雲吞皮薄軟綿。蜜汁火方用桂花汁伴厚切金華火腿，夾一層香脆腐皮再用軟包一併包着吃，甜而不膩。蝦子大烏參，海參燜至軟腍上碟，含豐富骨膠原精華，加蝦子更香口。崧子黃魚是上海名菜，魚身炸至香脆，酸甜醒胃。
個人認為樟茶鴨賣相平平無奇但最好吃，鴨肉嫩滑得無話可說，連鴨皮也充滿肉汁，為免油膩另附蝴蝶邊軟包，一件鴨夾一件包，好味到不知不覺又一件。雪菜毛豆上海菜，雪菜微酸，毛豆彈牙，清新宜人。高湯小籠包裹着熬足一天的燉湯，咬開薄皮吸啜滾熱辣湯汁，肉汁豐腴小心燙嘴。未飽？還有雞火炒飯，任你如何大胃王，也得撐着肚子走，不過走前，記得吃一碗花香紅棗燕液，清甜滋潤甜入心，包媽媽大嘆好滿足。大時大節點叫套餐可免煩，還可預先選擇叫侍應分菜或一家人自己起筷，想吃得熱鬧點或做懶人，自己揀。
新滬坊
（灣仔港灣道1號香港會議展覽中心1樓/25827332）
收費：十二位用$6,888（十道菜）
平食 鮑參燕窩二百有找
孝敬母親嘛，少不了山珍海味，但不等於一定大傷荷包，「海蔘飯莊」推出「母親節鮑參養生金花餐」，包一隻35頭溏心中東乾鮑、越見罕有的關東遼參、畢撥葉野菜飯、燕窩甜品或燉湯，經濟實惠。畢撥葉是廣西特產，含豐富纖維，有助降血脂，入口索索聲香味濃郁。如果不愛燕窩，可以燉湯代替，蟲草野生竹上靈芝燉老鴨湯和蟲草野生竹上靈芝燉泰國野生凉瓜響螺湯二選一，全部真材實料，潤而不燥。
不得不提那杯金茶花，用金茶花的乾花及葉來冲泡，這國寶級名花有四百多種營養物質、能提升抗養化及抵抗力，採摘困難，要上廣西十萬大山上摘取，這店店主於廣西做參茸生意，因而得到特許權上山採摘，非常矜貴。另外，由5月1日至8日母親節期間，惠顧一至五位套餐，即送自選小菜一個，六位或以上送兩個。小菜不小，絕非求其得啖笑的郊外油菜，有例牌鮑汁湛江走地雞、燒蜜汁米水豬頸肉、麪醬「芒魚」魚煲和例牌家鄉燜番薯鴨選擇，抵吃！
海蔘飯莊（25188189）
收費：每位$198
地址：香港仔田灣嘉禾街15號順豐大廈地下