一向睇電影唔多鍾意用腦，所以美國嗰啲B級頭、A級尾嘅動作片就好啱我胃口，而《狂野時速》系列就絕對係我杯茶，雖然套戲已由單純飛車片加咗好多元素，但有一樣嘢冇變，就係節奏夠快，所以喺5月頭上映嘅第5集，一定會捧場；而且《狂》片嘅一對主角雲迪素同保羅獲加，可能係睇開有感情嘅關係，見到佢哋嘅親切感，拍得住見到《陰陽路》系列嘅主角古天樂同雷宇揚㖭！
我睇波都一樣，鍾意睇啲行軍快速嘅聯賽同埋球隊，所以點都係鍾情睇英超多過其餘歐洲3大聯賽。阿仙奴雖然好沉，但隊波如果順起上嚟，攻勢真係好悅目，今場迎曼聯，點都要捧一捧兵工廠，等曼聯唔好咁容易奪標先。
吾中
星期日18
阿仙奴vs曼聯
心水：阿仙奴（平）
心得：球隊通常搵最強嗰隊嚟反底