亞視偶像劇《親密損友》由一班年輕偶像做主角，演繹新一代對愛情、工作、生活的新態度，年輕人喜歡速食文化，對感情欠責任感，趙彤和趙碩之等昨日在大埔亞視拍攝《親密損友》，趙彤表示曾遭不少衰人傷害，她說：「劇入面我個性格係儍儍哋，好易俾人呃，同我真人差唔多，現實生活都俾人傷過好幾次。」
近日和廖碧兒緋聞男友林忠豪夜蒲的趙彤樣靚身材正，應有不少男士垂涎其美色，她說：「都唔係個個都係人渣，有啲都傷過我心，所以識到男仔，最好帶畀姊妹睇吓。」問她不怕好姊妹搶走男友，在旁的趙碩之說：「做得好姊妹就唔會搶自己男友，搶人男友都唔係好姊妹，大家點會食埋同一碟餸！」
採訪、攝影：楊潔雯