全城期待嘅白色iPhone4，終於出爐。前晚深夜一開賣，唔少財金圈才俊衝去出機。華華幾個老友胡孟青、輝立證券董事黃瑋傑，同新城財經台主持鄧威信噚日就率先出機。
咁幾位又會點幫部機「裝身」？黃瑋傑話，會幫部機配番條撞色嘅泵把邊，但千祈唔好用套，事關用套就會遮晒佢嘅肉身。青姐同威信亦都同意呢個講法。換言之，今日股壇名嘴推介，用白色iPhone4咪用套。
除咗白色iPhone4，班中環才俊仲等緊今日開售嘅白色iPad2。好似UBS亞洲股票衍生產品銷售部董事總經理于正人同華華講，家陣左手一部3GS、右手一部iPhone4，所以等緊買部iPad2。