憑真路比利同尼爾兩個神奇入球,馬刺上仗加時以110:103氣走灰熊,總算追番一場。家場數落後2:3嘅馬刺,周五會作客灰熊,呢場喺香港時間今日9:00am開波嘅生死戰,除咗now635台外,無綫明珠台同高清翡翠台都有得直播。大家睇波之餘,亦可以留意吓灰熊防守專家東尼阿倫;佢專登整咗個灰熊頭(圖),睇吓可唔可以幫球隊歷史上首度入季後賽次圈喇!