我愛赤柱的陽光海灘，也愛赤柱精緻美食，坐定吃海鮮冷盤夠消暑，外賣12吋長熱狗碌沙灘夠Hea，正式宣佈夏日來臨了。
記者：徐務研
攝影：伍慶泉
Model：Tan、Yoyo
赤柱海灘陽光燦爛，吹完海風見口淡淡，可考慮往海濱長廊的「Squeeze」，外賣熱狗或三文治碌沙灘慢慢吃。這餐廳更有鮮榨果汁供應，消暑健康。自問胃口大，可挑戰12吋長美國特級熱狗，大件夾抵食，12吋長荷蘭腸坊間少見，焗十分鐘出爐，即叫即做熱辣辣，腸皮夠脆肉汁豐富，配傳統茄汁及芥末醬，味道酸甜兼帶攻鼻的辛辣，十分過癮。想吃得清新點，可選擇美國莎莎醬熱狗，同樣配12吋長荷蘭腸，配料則有洋葱及新鮮番茄粒，新鮮蔬果平衡到肉腸油膩感，沾酸汁非常開胃。
外賣：三文治三包兩餡
熱狗太大隻，胃口細細的女生可能覺得太Heavy，那就吃紐約特級三文治吧，餡料有鹹牛肉、煙牛肉、火雞、酸菜及瑞士芝士，三塊麪包夾兩層餡料，比坊間多一層，大啖咬更滋味。不吃三文治，吃個比高包又如何？餡料有挪威三文魚片，塗上Creamy的忌廉芝士，淡淡芝士味配三文魚，味道一絕。
口乾，可以叫杯鮮榨果汁，這裏選用新鮮生果Mix&Match，熱賣的有SohMuiIsland，用芒果、士多啤梨、西瓜及奇異果調配而成，西瓜份量最多，特別解渴。另一熱賣BerrySmooth-dees，冰感十足，絕對令你暑氣全消，入口簡直透心凉，用奶、乳酸、香蕉、士多啤梨及藍莓製成，香滑蕉味濃郁。不過嚐甜的我，最愛比利時窩夫伴雪糕，新鮮出爐的窩夫配高級瑞士奶凍雪糕，一熱一凍，加上鮮果及朱古力汁，味道有層次。
Squeeze（28137273）
地址：赤柱赤柱大街90A地下A舖
室內：冷盤透心凉
「Rocksalt」同樣位於赤柱海濱長廊，設特大落地玻璃窗，想坐定定來頓海鮮宴，這裏不作他選。這店由澳籍行政總廚CameronGardiner打理，他銳意創新，最拿手的是Fusion菜。
夏日炎炎，最對胃口的當然是冰凉雜錦海鮮冷盤，一盤有半隻龍蝦、六隻大蜆、五隻青口、三隻生蠔、三隻大蝦、兩粒帶子、兩至三片煙三文魚及新鮮生果，大部份海鮮來自水質優良的美國及澳洲海岸。美國龍蝦大大隻箝，肉質鮮甜，生蠔隨供應變更，這次有海水味淡的澳洲CoffinBay，味道鮮甜，帶子厚肉嫩滑，煮到半生熟口感最好，大蝦彈牙，大蜆、青口鮮甜不腥。醬汁方面，有Cocktail醬汁及酸醋選擇，蘸之更能提升鮮味，最後再嚐新鮮生果，Refresh一下味蕾。
想再飽肚點，推介精選海鮮扁意粉，海鮮餡料份量不欺場，有大蝦、銀鱈魚、大蜆、魷魚、青口及帶子，每種海鮮烹調時間不同，要拿揑得準才能保持鮮味。師傅依次序先放大蜆，再放魚蝦及青口，最後才下帶子，配用香草及荷蘭芹慢煮過一天的番茄醬，再撒芝士，味道更豐富。
袋鼠肉坊間少見
來點新意，不妨試試香港少見的袋鼠肉，肉質比牛肉鬆軟，脂肪較少，屬健康食材，師傅用烤的方法帶出袋鼠肉原味，因脂肪少所以不能烤太久，嗅到微微焦香味就可以了，伴碟番薯經過焗製，很清甜，醬汁加了點蒜頭，陣陣蒜香令味道更有層次感。
食肉獸尚有大把選擇，澳洲黑安格斯牛扒百分百穀飼，絕非草飼，肉質上乘，肉眼扒帶較多脂肪，一烤逼出油香，非常惹味，上配用牛油煎香的托貝洛大蘑菇，入口香滑Juicy，置面的數顆清甜小番茄，有助平衡牛扒油膩感。吃得九成飽，感覺還未圓滿，當然了，尚欠個甜品嘛！推介MarsBarCheeseCake，芝士味香濃，上層有香濃朱古力，旁邊餅碎又夠香脆，伴碟雪糕透心凉，為這個夏日大餐畫上完美句號。
Rocksalt（28990818）
地址：赤柱市場道25號
