今屆英超足總盃決賽為「雙城記」，下月14日喺溫布萊球場由英超球隊曼城大戰史篤城。呢場決賽開始前嘅表演可能仲好睇，因為曼城早前誠邀Oasis結他手NoelGallagher（左）去做表演嘉賓，並為曼城寫番首決賽歌。史篤城亦都唔執輸要威番鋪，話誠邀歌壇性感icon，71歲嘅TomJones（右）做嘉賓，並重錄一次首本名曲《Delilah》，史篤城當呢首歌係球會歌曲。決賽都未到就娛樂性十足，唔知今屆英足盃場波會唔會都係咁精采呢？