郭富城在彭順新戲《B+偵探》延續《C+偵探》的「阿探」角色，今次升呢不再靠鬼查案，決定靠自己。城城拍戲一向搏命，他透露拍攝時不慎遭鐵絲傷眼，幸有驚無險，跟導演一樣，希望可以再升呢拍《A+偵探》。
郭富城在導演彭順執導的電影《B+偵探》延續《C+偵探》的「陳探」一角，今集不像上集靠鬼查案，他說：「今次係冇鬼用，要靠自己去查案，我要做到比上集進步少少，但又唔叻得晒，緊張又懸疑。」
動作戲時受傷
城城表示戲中有場窄巷飛車追逐場面，他說：「嗰條路好窄，地面又凹凸不平，但我要俾車追住不停跑，如果跌低都幾危險。」他稱彭順的戲不會用替身，問到可曾受傷？他說：「有場打戲要俾人用鐵絲網從後箍頸，對手箍落嚟啲鐵絲拮到我眼白，即刻去睇醫生拎眼藥水同藥膏搽，睇完咪再拍過囉。」他表示拍動作戲難免有意外，好像之前拍《風雲》都炸到手。
城城表示原本拍攝嚴浩新戲《最愛》，但為宣傳《B+》也停工一星期。問到會否開拍《A+偵探》？城城笑說：「我好鍾意陳探呢個角色，少少怕醜又幽默，有人性又可愛，希望B+口碑好過C+，咁A+就有望喇。」至於可會帶女朋友欣賞新戲？他只笑而不語。
彭順解構心魔
此外，導演彭順日前在葵芳接受訪問，他坦言《C+偵探》是試探形式，口碑好便拿正牌開拍，所以今次電影名也依循上集，問到會否再拍《A+偵探》？他笑說：「收到錢先啦，今次戲裏面講『心魔猛於鬼』，城城嘅情緒起伏都幾大，人物好層次化，今次鬥智場面比較多。」
採訪：溫敏芝
