【本報訊】「真係發夢都冇諗過做保安都月入過萬！」在天水圍景湖居任職車場保安的郭先生，得知最低工資實施後，人工由原來的每月7,800多元加至10,420元，真的由心底笑出來：「我老婆最開心，仲諗定加咗嗰2,000幾蚊點用，可能會去吓旅行啦，啲仔女使費都鬆動啲！」
實力較差 即被淘汰
開心的不止郭，還有跟他共事的約400名同事，雖然幾乎人人有薪加，但作為其直屬上司的副區長，加薪後每月僅比郭多300元。有不願透露姓名的「上司」說：「多咗嗰300蚊，又要寫薯仔文、又要管人，仲要接居民投訴，我同佢哋調轉坐座頭好過啦！」
合眾人事顧問總經理蘇偉忠說，在這種情況下，整個人事架構鬥爭一觸即發：「成間公司嘅人工水漲船高，但實力欠奉嘅弱勢社群會失去競爭力，分分鐘俾人淘汰。」
任職停車場保安的72歲張伯，成為首批最低工資犧牲品，以往月薪6,000元的他，上月中被公司辭退，遭殃的還有數名同事，「本來想做多幾年，家無希望喇，搵工大半個月，啲僱主見我年紀大都唔肯請」。作為一家經濟支柱，張伯還有太太和兩名年僅十二、三歲的兒女要供養，生活負擔很重，最後很可能加入綜援大軍。