【惠州直擊】由陳奕迅（Eason）、方力申和鄧麗欣（Stephy）等主演，劉鎮偉執導的電影《東成西就2011》，昨日在惠州開鏡。小方大爆女友Stephy和Eason在片中有肉體上的交流，並直認到時會監場。
劉鎮偉曾於92年邀請巨星張國榮、梁朝偉、張學友、林青霞和張曼玉等拍攝《射鵰英雄傳之東成西就》，事隔19年劉鎮偉再拍延續篇《東成西就2011》，由陳奕迅、方力申、鄧麗欣、莫文蔚（Karen）、鄭伊健、鍾鎮濤（阿B）和蘇永康主演，昨日眾演員齊集惠州出席開鏡儀式。
Eason玩到瞓地
Karen以大露背裝成為焦點，不過一對情侶小方和Stephy甚有默契穿上黑色情侶裝，即時搶風頭，小方更在台上自爆想做劉鎮偉的副導演。戴上墨鏡的Eason則在現場跳跳紮，又玩到瞓落地，認真搗蛋。
阿B輔導女兒
小方和Stephy接受訪問時直言兩人甚少對手戲，小方搶說：「反而佢同Eason有對手戲，仲會有肉體上交流，如果拍嗰日我喺度都會去睇。」在片中扮英國紳士的Eason就否認與Stephy會有身體接觸，他說：「小方講嘢都好信，總之好難解釋，自己都期待同Stephy合作，不過我8個鐘頭內要試6個造型，我最啱做van仔佬。」
拍過92年《東西成就》的阿B今次會兼任顧問，他透露稍後家人會來探班。對於近日大女鍾嘉晴鬧爆章小蕙和盧覓雪，阿B說：「梗係啦，今次係講佢，自己有同個女輔導，人哋講人哋嘅事，街邊人點講就唔好理，有叫佢唔好再寫facebook，但佢要發洩，因為今次俾人屈。」
採訪、攝影：曾小嘉
