千億新抱徐子淇06年嫁予恒基細少李家誠，婚後密密生，三年抱兩誕下大女李晞彤、二女李晞兒，為李家開枝散葉，可惜未能圓老爺四叔李兆基心願，更被大伯「爬頭」，連生三個慈姑椗。徐子淇去年懷上第三胎，證實是男嬰，徐子淇爸爸昨日透露子淇很開心，現時肚尖，懷胎約6個月，更會慳家穿李家傑三胞胎的舊衫。
千億新抱徐子淇在重重追仔壓力下，第三胎終懷上男嬰。本報月前已報道徐子淇追到仔，早前老爺、恒基主席李兆基接受專訪時，正式確認新抱現陀住男嬰。徐子淇父親徐傳順昨晚在銅鑼灣出席國藝控股周年晚會時，也笑笑口認說：「希望係啦，科學啲嘢好難講。」
「佢個胎好尖」
徐子淇今胎懷得特別小心，自從證實又有喜，一向愛熱鬧的她，也絕迹社交圈，不論大小活動、慈善計劃，一律謝絕，專心在家養胎等生，對比前兩胎的高調及風騷四圍去，明顯謹慎得多。徐傳順指徐子淇預產期是7月，言下之意，即女兒已懷胎6個月左右，他說：「仔女都一樣啦，佢家好好，好開心，佢個胎好尖。」
至於男孫名字，徐傳順表示未決定，問到他有否買定BB衫或禮物，他說：「家傑（子淇大伯李家傑）有三個仔，可以執佢哋嘅衫，唔好浪費。」四叔李兆基恨抱男孫恨到出口，雖然大仔李家傑去年找代母連生三個智信、智仁、智勇，但子淇今胎則是名正言順由新抱所生的男孫，徐傳順說：「四叔好開心，想多子多孫，其實男女佢都開心，我都一樣，仔女都開心，最緊要係母子平安。」
碧兒否認話小三
同場的有廖碧兒、樂易玲和陳嘉桓等，問廖碧兒其緋聞男友、李澤楷表弟林忠豪有新女伴趙彤，她說：「唔清楚，我哋係朋友。」她之前在訪問中暗示陳茵媺是第三者，陳豪之後叫她不要搞事，廖碧兒說：「我冇講過喎，人哋點寫我控制唔到，我講得唔清楚啫。」有否致電陳豪解釋？她說：「冇嘢解釋，大家同事有默契。」樂易玲則被問到林峯被捧為視帝，竟說：「係傳媒捧佢啫。」但她承認有找喜多郎為林峯作曲。
採訪：EddieWong
攝影：MatthewLam
