出爐金像影后劉嘉玲越來越壓場，前晚她出席沈嘉偉服裝店開幕，主人家邱淑貞和張栢芝拍照後避做訪問，反而嘉玲對着記者侃侃而談。她自言剛做完身體檢查，情況超好，她強調絕不碰毒品，又說：「人哋信我吸毒就好儍囉！」
沈嘉偉旗下服裝店I.T在銅鑼灣開設四層樓高分店，前晚舉行開幕禮，他與太太邱淑貞親自到場招呼賓客，劉嘉玲、張栢芝、吳君如和陳可辛、黃宗澤、徐濠縈、上山詩鈉與女兒及張智霖夫婦等到賀。
大會安排眾星在店門口大合照，加上過百記者逼滿街，惹來警察指阻街，所有人要返回店內。主人家邱淑貞已有10年沒出席公開場合，但依然低調，合照後即躲在三樓，栢芝也是拍照後便匆匆離開。
「莫少聰好耐前見過」
嘉玲談到在內地涉毒被捕的孫興和莫少聰，她說：「莫少聰好耐之前見過，同孫興合作過拍劇集，好耐之前喇。」有指圈內多吸毒夫婦，其中出現很多剪影，她驚訝地說：「唔係吖嘛？我唔覺得似我喎。」她謂沒睇過剪影的報道，又開玩笑說：「我啱啱喺台灣做完bodycheck，我身體非常好，吸毒吸到我咁樣又唔係一件壞事喎，我好到咁。」
問嘉玲是否絕不碰毒品？她說：「我唔會，人生當中好多人後生會試吓，high過呢啲嘢。」是否曾被引誘？她說：「我見過，有啲國家合法，唔使講到咁大件事。」她謂若被影射也不介意，她解釋：「人哋信我吸毒就好儍囉。」
陳可辛新片換劇組
嘉玲表示得影后的喜悅已過，老公偉仔已送了合心意的禮物，她說：「佢戥我高興，佢情緒比我更激動。」會否生BB令人生更完美？她說：「人生有好多嘢，唔係focus喺BB度，隨遇而安。」
陳可辛談到有傳他與陳德森有爭拗，致新戲《血滴子》臨時換導演，故押後至8月才開拍，他謂演員檔期也有影響，又說：「延期係劇本未改好，唔係拗撬，損失幾百萬，隊crew要再請過。」
採訪：溫敏芝、卓寶花
攝影：黃偉雄