【本報訊】公立醫院護士不斷跳槽到私家醫院，有已轉職養和醫院的護士表示，公私營醫院工作一樣繁忙，病人要求均十分高；但私院薪酬一般較公院高數千元，培訓機會較多，工作環境較好，「既然都係做咁多嘢，點解唔揀份人工高啲」。
每年獲跳薪點
該名由公院跳槽養和的護士表示，公私營醫院最大分別是薪酬，公院註冊護士入職基本薪酬只有約2.1萬元，但私院一般多數千元，以養和為例，入職基本薪酬約2.5萬元。公院入職首兩年沒有跳薪點，首六年屬合約制，之後表現良好可轉長工或繼續另一張六年合約。但養和護士每年獲跳薪點，只有首年是合約制，之後表現良好可轉長工。公院頂薪只有約3.3萬元，養和高達3.8萬元。
該護士又指，私院工作環境較公院好，以往她在公院同一時間要照顧16至17名病人，通宵更要單獨照顧整個病房內30多名病人，「又要收急症入院，根本冇支援」。但現時在養和只需同時照顧8至9名病人，「私家支援多好多，有咩事都有人幫」。
「都係做咁多嘢」
醫管局經常指以提供培訓吸引年輕護士，但該護士表示，「病房唔夠人、要超時工作或者做到好攰，都去唔到培訓；資深護士自己都唔得閒，都教唔到你」。私院亦提供充足培訓，在養和首三個月不需當夜，讓新人熟習環境。該護士坦言，公私營醫院亦有麻煩及要求多多的病人，亦有「冇時間食飯或連廁所都冇時間去」的情況，「既然都係做咁多嘢，點解唔揀份人工高啲」。