加納中場奇雲保定（圖）日前許下承諾，話如果AC米蘭攞到今季意甲錦標，就會以已故超級巨星米高積遜嘅打扮，喺聖西路球場做對方嘅招牌舞步moonwalk。AC家陣喺意甲領先第2位嘅國際米蘭8分，睇嚟奇雲保定跳硬moonwalk。話時話，可能佢啲舞技或者真係好好，不過如果可以俾AC球迷揀，斷估佢哋想睇啲教母剝衫贈興囉！