【本報訊】「通常有呢啲病都應該stepdown、退休，因為唔係容易兼顧，好傷（身體）」。腎科專科醫生指，腎衰竭的病人需要每天洗腎，難以出差，而且容易貧血，精神較差，長期洗腎可能出現腹膜炎、被喉管傷及器官，甚至透析液滲漏，令睾丸腫脹。
「唔洗維持唔到生命」
腎科專科醫生蔡堅解釋，腎臟衰竭與糖尿病、高血壓、腎炎有關，不能治癒，末期病人腎功能下跌至正常10%至15%，不能排走多餘的水份及廢物，就要接受洗腎。洗腎方法可分腹膜透析（俗稱洗肚）及血液透析（俗稱洗血），前者分手動及自動，政府稱，孫明揚使用家居自動腹膜透析，病人每晚睡前將喉管接駁到自動腹膜透析機，透析機會把透析液灌入腹腔內，在腹腔內停留一段時間後再把帶有廢物的透析液放出，需時六至八小時。
蔡堅不同意當局指孫明揚「有需要就洗」這個說法，「呢樣嘢唔係話有需要就洗，係要日日洗，因為個腎已經去到冇功能，唔洗維持唔到生命」。他指接受腹膜透析的病人難以出差，「出trip困難啲，要帶埋啲水（透析液）去旅行。」
他解釋持續洗肚容易造成腹膜炎，「啲喉可能會插親入面呀、啲水漏咗呀，令大髀或者春袋腫脹，或者洗咗啲蛋白質出嚟，令身體唔夠營養呀」。他指慢性腎病人通常貧血，需每周或每月自行注射「生血針」保持精神。治療腎衰竭的終極方法是換腎，但在港機會微，要視乎病者基因是否與捐贈者脗合。