周柏豪同許廷鏗等，噚日去咗花墟球場出席新城電台嘅活動，周柏豪將會再打籃球賽，佢話無論點，都有信心贏呢場比賽喎。另一方面，許廷鏗喺嚟緊29號就23歲生日，佢話：「到時會同啲歌迷去唱K。」問佢會唔會同歌迷玩得好親密？佢話：「唔會，攬得一個就要個個攬，到時就好忙。」至於會唔會約番之前傳緋聞嘅女同學，許廷鏗話佢冇時間。