「彤叔」鄭裕彤嘅周大福雖然正如火如荼搞上市，但彤叔長孫鄭志剛（Adrian）唔係淨係掛住同班賓架周旋，佢仲忙緊另一單刁。
華華八到，周大福舊年用2.75億投得嗰粒507卡IIA級「卡利南遺產」（TheCullinanHeritage）南非鑽胚，已經雕琢完成，cut成一粒120幾卡嘅完美巨鑽，跟住落嚟就係畀全世界開吓眼界。
長孫趁機做生意
Adrian初步計劃，年中左右搞個預展，請一眾lady去欣賞。佢仲已經度好橋做生意，借住個展覽順道話畀全世界女人知，3卡以上嘅鑽石先至保值，順便提醒各位男士，係時候幫身邊個女人upgrade佢哋嘅鑽石珍藏。
華華班中環姊妹聽完後，一定希望即刻去新世界大廈多謝Adrian，無他，以保值角度出發叫老公男友送鑽石，點都work過同佢哋講鑽石恒久遠嘛！