是藉口？還是苦衷？港商戴曙陽被指「慣性賴賬」，理由層出不窮，有感前老闆的生意手法疑點重重，戴的前下屬阿偉（化名）雖然從未被欠薪或被虧待，但坦言：「佢哋若正常經營應該都賺到錢，都唔明點解要咁做……打工都驚啦，幫老細做嘢好似有份呃人咁！」
阿偉爆料說，自己任職兩年期間，到公司追債者可謂「冇停過」，初時是追雷豹的，後來就是追卡德。他說，以供應商為例，戴每次平均向供應商取貨20至30萬元，最多時逾百萬元，首幾期貨款多數會找數，但取貨越來越多就開始拖數，到供應商追埋身時，戴就開支票。
收落定後不理定單
阿偉說，戴氏夫婦簽的支票很有問題，「真係兌到錢嘅應該係簽英文名，但佢哋會簽中文名，結果一定彈票，有時仲專登寫錯字，好似將『three』寫成『tree』，呢招都唔係一次半次」。
卡德的買家來自世界各地，部份透過網上訂貨。阿偉說，戴曙陽不時說服買家落定訂貨後，就將定單擱置不理，收下的定金可達40至50萬元，「正常收到定金會排期生產，但有些定單久久未排期，戴生根本唔理」。
本報記者