2,500個藝術家同市民前日齊齊上街聲援艾未未。其實撐艾嘅方法可以百花齊放，有人就諗到另類創作為AWW打氣，將近日熱爆嘅《3D肉蒲團之極樂寶鑑》同艾未未嚟個crossover（圖），借「雷神」雷凱欣來挺「艾神」。話說八方前日遊行喺油麻地街頭見到一列《肉蒲團》海報，但點解藍燕唔同咗樣嘅？雷凱欣個造型又改咗嘅？睇真啲，原來係有人將聲援艾未未嘅標語、貼紙，貼咗喺肉蒲團嘅宣傳海報上面，結果藍燕個頭變咗艾未未個嘜頭、雷凱欣嘅三點位置亦變成艾神個樣。
可惜冇人將艾神match落去戲中男主角葉山豪個頭度，否則四女拱照一男，變成古裝版《一虎八奶圖》點有得輸？