黑池中場查理阿當（圖）今季喺英超大熟大勇，成為多間大球會招手對象之餘，仲成為英格蘭球員先生候選人之一；不過，佢就落選咗黑池內部選出嘅最佳球員，得獎嘅竟然係冇乜人識嘅中場禾漢。齋計表現嘅話，查理阿當當選最佳球員當之無愧，不過，據黑池嘅球員話，佢哋覺得禾漢先係黑池最重要嘅球員，所以寧願揀禾漢喎！查理阿當大熱落選，究竟係佢人緣差抑或係其他球員眼紅佢呢？