AC米蘭喺前晚場意甲由羅賓奴（圖）奠勝，作客贏布雷西亞1:0，家陣喺聯賽榜領先次席嘅國際米蘭8分，聯賽錦標幾成囊中物。入波功臣羅賓奴就話，喺上場贏森多利亞3:0入波嘅卡斯辛奴將入波送畀第一個仔，自己希望可以學似對方咁，結果佢真係成功咗，用入波送畀佢喺上星期出世嘅BB。睇嚟卡斯辛奴同羅賓奴嘅BB都幾好腳頭喎！