CEO同大學生對話，原來係CEO學嘢嘅好機會。IT人出身嘅新任生產力促進局總裁麥鄧碧儀同八方講，話早前去一間大學與IT學系學生對談，佢勸勉IT後輩將來要出頭，一定要肯學肯做，不斷進修亦好重要。
輪到學生發問，點知鴉雀無聲，最後有個男學生企起身，回應話麥太似乎唔係幾了解呢一代年輕人：佢話佢哋係要hea嘅，佢自己一心只係想做個小小程式員，唔係想做乜嘢CEO，佢要有時間去卡拉OK、睇戲。麥太反問，若果你做咗五年冇得升職同加人工，你願唔願意？呢位男生話梗係唔可以冇人工加啦！見識過新一代生活態度，麥太話真係學到嘢。