宇宙最強的甄子丹認為自己在影壇有今日的成績，不但是天時、地利及人和，他謙稱一切歸功太太汪詩詩：「老婆幫我睇住頭家，照顧好一對仔女，我就放心去拍戲搵錢，所以佢先係宇宙最強，我只係『宇宙阿四』。我以前冇安全感，直至識咗老婆，要二十個多謝佢，老婆係我福將，係我工作嘅動力。」
下半年停工
問子丹為何由第一位降呢至第四位？他解釋：「第二同第三係我一對仔女Jasmine同James。」能令宇宙最強讓出寶座，竟是家中三寶，子丹已安排下半年停工享天倫，他說：「過去一年拍咗四部戲，不停咁飛，miss咗好多子女成長片段，我唔介意賺少啲，畀番多啲時間家庭。」
子丹最近在電影《大鬧天宮》演孫悟空，為演活這個角色，他竟由三歲兒子James身上得到靈感：「囝囝坐唔定好活潑，我睇到佢就有啟發，知道點演孫悟空。」