林龍如醫生提醒孕婦：「懷孕必須做運動，生產時都會順啲。」家庭醫生關嘉美亦同意，說孕婦若做適當運動，例如是步行，確可令盆腔放鬆，生產時會較順暢。
作動一小時產子不常見
關嘉美指出，孕婦作動及穿羊水是分娩的先兆，但BB出世有快有慢，不能一概而論，懷第一胎的婦女沒有生產經驗，一般生產會較慢，但懷第二胎及第三胎的婦女，因有經驗及盆腔已擴闊，生BB則較順利。她又說，孕婦要做產前運動，最好是適當的步行活動，更有利分娩，「蜑家婦女好生養，就係喺船度企高踎低，呢啲運動令盆腔放鬆」，所以很容易分娩。
至於今次個案，孕婦由作動至產子不足一小時，她認為並不常見，只佔孕婦中約1至2%，「子宮開到10度先可以生產，有啲10分鐘開到，有啲成日都開唔到，最尾要開刀，但多數幾個鐘頭開到」。當然，今次事件中的孕婦若乘救護車到醫院，在救護車分娩，可減低細菌感染機會。本報記者