【本報訊】公立醫院護士嚴重短缺直接危害病人。有內科前線護士表示，不少病房一名護士照顧10多名病人，無法為病人「斟水」、換尿片，護士協會要求醫院管理局盡快解決問題，否則服務會崩潰。
有十年年資的公院內科護士陳小姐昨在電台節目稱，病房內最少有40名病人，有時多達50至60人，日間有四至五人當值，夜間只有兩名護士。人手不足剝削病人最基本的尊嚴及需要，「試過有醫生同我講，『護士你知唔知每個病人每日至少要飲800毫升嘅水？點解呢個病人無？』我呆咗回答唔到。唔係我唔想畀水病人，我自己唔飲水唔緊要，我照顧唔到病人，連佢哋最基本需要都做唔到。之前有同事話（替病人）換尿片要等一個鐘，一個鐘唔算多，有時要等三至四個鐘。」
護士斥強行接收病人留院
另一名公院內科護士陳小姐表示，院方漠視人手不足，強行接收病人留院，「家我哋工作，對病人嚟講係做得到，但係做得唔好。」
護協主席李國麟表示，上周向數千名病人及家屬派發問卷，了解他們對護士不足的意見，本周二公佈。