帝王有意將主場由薩克拉門托市轉到橙郡，已經早有所聞；薩市市長、前太陽名將奇雲莊遜（圖），仍然好努力咁挽留。據報奇雲莊遜已經為帝王籌集一筆約920萬美元嘅投資額，包括新廣告、門票銷售同財政支持等，可以用於帝王修建球場等用途。聯盟5月2日就決議帝王可唔可以搬，睇吓奇雲莊遜心血有冇白費喇！