莫少聰在北京涉毒案，任達華前晚在中環出席男裝AscotChang活動，為好友求情說：「既然佢都認咗，畀個機會佢囉，等佢出返嚟。」他指莫少聰平日愛運動，並說：「應酬當中發生嘅事，係應酬上失誤，希望佢可以從頭嚟，佢好好戲，唔係淨係謝霆鋒一個演員。」
「我識說不」
任達華稍後到北京拍戲，當地近日嚴打藝人吸毒，他說：「我冇呢啲嘢，有時出外應酬係在所難免，因為內地人好熱情，但我唔飲其他嘢，我識說『不』！我有20年冇蒲夜店。」
同場的MandyLieu性感谷胸，其舊愛陳柏霖近期和桂綸鎂傳緋聞，Mandy說：「祝福佢哋，但好耐冇聯絡。」當年二人拍拖，未分手已傳涉及桂綸鎂，是否桂綸鎂當年已介入？Mandy說：「我唔信，兩個人一齊時係互相尊重，我相信佢。」
採訪：梁錦雯
攝影：林德雄