行醫數十載的張福滔醫生，作風低調鮮有接受傳媒訪問，但他數個「乖仔」卻常為他爭光，令他名字不時在馬經版出現，因為他名下愛駒贏得不少頭馬，也曾遠赴英國、日本等地出賽，現時豢養的愛駒「天久」更將於後日在港參加國際一級賽的「冠軍一哩賽」，有望贏得首項國際賽錦標。
揀選好馬靠運氣
張福滔不願多談行醫的事，說到賽馬卻滔滔不絕，「我88年開始養馬，嗰時好多醫生都鍾意養馬，大家都當係一種人生樂趣」。如何診斷奇難雜症難不倒他，但要揀選一匹好馬，他坦言要靠運氣，「你唔知隻馬買嚟時嘅好表現係暫時性，定係長久嘅，真係好講運」。
多年來擁有九匹馬，張福滔最看好現時名下的「天久」。「天久」4歲，出賽13場中有11場贏得三甲，包括六場頭馬，總共為他贏得1,000萬元獎金，「呢隻馬前景應該好好」。過去曾帶領愛駒「祝福」代表香港遠赴日本、英國等地參加國際賽，張福滔說：「我唔係運動員，除咗贏馬之外，都冇方法可以喺頒獎台上聽到奏國歌、升國旗。」除了個人榮譽，他也希望到海外比賽可以宣揚和平訊息，「我哋中國人唔會淨係派軍隊去攻打其他國家，而係可以透過賽馬揚威海外」。
「天久」將出戰周一的冠軍一哩賽，張福滔說有一定信心，他更說考慮參加6月在日本舉行的安田紀念賽，向當地人民表示關愛之情。「佢哋啱啱經歷過地震、海嘯、核事故，需要畀人知其實生活仍然正常，如果可以如常參加佢哋嘅比賽可以間接表達關心」。
希望一直做善事
養馬廿多年，經常接觸初生嬰兒的張醫生認為馬匹與嬰兒其實很相似，「佢哋都好靚好得意」。他指馬匹很善解人意，即使每月只到馬廐探愛駒一次，但馬兒也會認得主人，表現親暱，「對住佢哋真係好開心好大樂趣」。
說起前途無可限量的愛駒「天久」，張福滔說是「天長地久」的縮寫，「當然都希望同結咗婚40幾年嘅太太繼續長長久久啦」。「天久」的英文名是「LuckyNine」，張醫生坦言想一直受上天眷顧行好運，「希望一直做善事，上天都睇到畀我繼續行運」。
記者 梁德倫