近日娛樂圈結婚生仔的喜事特別多，現年31歲的女子組合2R成員黃婉君（Rosanne），前年12月嫁給混血牙醫男友Derek，去年造人成功，前晚其妹黃婉佩（Race）在活動上透露家姐一索得男，日前已剖腹誕下重7磅的囝囝，改名白迅，英文名Dylan。
黃婉佩（Race）前晚與父親及姐夫Derek到九龍灣欣賞「I-1世界泰拳格蘭披治2011」比賽，郭政鴻、盧惠光及莊思明等也有到場觀戰。Race姐夫Derek撇下太太Rosanne出現，遇見記者更十分避忌，立刻火速進場，原來Rosanne日前已剖腹產子，現正在家中坐月。
Race冬蟲草男友
Race透露家姐前幾天已在港剖腹產子，BB重7磅，問到BB似家姐還是混血兒姐夫？Race說：「似mix，鬼鬼哋。」Race指BB在家姐肚裏沒有轉身，又開始痛，所以決定開刀，姐夫也有陪Rosanne入產房，Race稱家姐已出院，現時在家中坐月，爸爸也專程來港探孫兒，她說：「我做咗5日阿姨，之前送咗放喺沙發嘅床同埋玩得嘅嘢畀BB。」Race又說BB中文名找算命師傅改名白迅，英文名則由家姐、姐夫改名Dylan。
Race前晚沒有與男友向佐同行，她稱男友忙於綵排舞台劇，她說：「佢好勤力，之前都send咗短訊叫佢加油，我有煲湯同冬蟲草畀佢飲。」認真甜蜜到暈。
郭政鴻認已註冊
此外，郭政鴻的前女友滕麗名，近日被指有位圈外男友，郭政鴻前晚表示有看報紙，也戥她開心。郭政鴻曾被指與滕麗名拍拖期間，原來與離婚三年的內地前妻復合，更誕下一女，前晚郭政鴻表示現在與妻女在一起，女兒已2歲3個月大，每日都要花很多精力照顧女兒，問他是否要做個好爸爸？他說：「當然要咁，係自己嘅責任。」至於有否再註冊？他說：「BB差唔多出世前已註冊。」
採訪、攝影：溫敏芝
