一齣近日成為全城熱話的3D三級片，我唔會冒被老婆扭耳仔嘅風險去睇，你問我，精采之處在於個市場策略，過去一年間歇有新聞，未停過。最記得農曆年前連花市都擺檔，咁高票房，marketing應記一功。
我唔欣賞嘅，係齣戲開畫票房高收之後，標榜香港驕傲。老友，你賺到錢係叻，但咪拉埋成個HK嚟講，陶傑先生講得啱，人家首套3D拍《阿凡達》，中國人首套3D就拍三級片，有咩驕傲可言？咪話我崇洋，公道自在人心。
同樣唔值得驕傲嘅係拜仁慕尼黑，咁嘅人腳，有乜理由連下屆歐聯參賽資格都未必保得住。拜仁今季結局係咪悲慘，唔知，但今次對法蘭克福仲應該贏得。
藍鑽石
星期六21
法蘭克福vs拜仁慕尼黑
心水：拜仁慕尼黑勝[-1]
心得：人貴自知，知醜啩？