經過沉悶嘅2011年冬季日劇後，春季日劇終於有番睇頭，暫時收視最好嘅係《仁醫完結篇》，呢套戲無論係漫畫抑或日劇，都好好睇，唔怪得多人捧場。至於我最追捧嘅《Boss2》收視亦唔差，位列三甲；其實仲有一套仍未播映嘅春季日劇我係好期待嘅，就係由相武紗季同速水直道合演嘅《Rebound》，想睇係因為佢哋喺《機械夢情人》中好夾，而且速水真係好型好靚仔，雖然俾人話係票房毒藥，但點都要捧場。
講開，「黑貓」新特蘭最近亦成為咗捧場客嘅毒藥，喺英超近9場輸8場，被捲入降班漩渦，不過，佢哋主場始終有啲實力，而且周六嘅對手係實力仲差嘅韋根，冇理由唔反底嘅！
吾中
星期六29
新特蘭vs韋根
心水：新特蘭勝
心得：黑貓係時候反底