NBA周四頒發最有進步球員獎，木狼嘅新晉籃板王洛夫（左）以大熱姿態獲獎；洛夫今季平均取得20.2分及15.2個籃板，都係個人新高，所以喺116位體育記者嘅投票中，佢獲得66張第1票，總分高達400，遠遠拋離次席、獲得157分嘅拓荒者前鋒阿域治。正所謂名利雙收，木狼計劃向洛夫提出5年7,000萬美元嘅頂級合約，全力留住呢位22歲大前鋒。