家嘅戲，幾大場面都有！不過係CG合成囉！本周新返《新少林寺》，玩一磚一瓦、親手搭建為賣點，並以真面目粉碎CG嘅特技效果。呢隻碟會推出孖裝，Bonus除欣賞到少林寺從無到有嘅搭建過程，仲有接近60分鐘感人刪剪片段，A、B碟都值得煲！
記者：陳國輝
武打場面唔多
聽到同功夫有關，想當然諗住會打餐飽，若然咁諗就錯晒！《新少林寺》武鬥場面唔多，數到最盡，只得成龍同吳京埋牙嗰幾分鐘；反而要留意係，不論廣東話還是國語，呢隻碟全程採用DTS-HDMA7.1及DolbyTrueHD7.1，感受最深，係炮轟少林寺一幕，唔止低頻勁，爆炸嘅方向性仲非常明顯，如果你選擇夜晚睇，小心俾隔籬屋投訴！
暖色畫質黃金最搶
整隻碟以偏灰、黃嘅手法嚟演繹，加上實景拍攝和採用1080p顯示，畫質絕對靚仔！但值得一提，唔同場面下，導演似乎對色彩有好唔同嘅要求；例如霆鋒為劉華而設嘅「鴻門宴」，以及他同大哥見面一幕，金色、黃色部份尤其搶眼，至於黑、紅以及其他背景色彩，相對就暗淡好多，鍾意與否見仁見智，但就不失自然感覺。
Bonus
睇劉華落髮
B碟屬Bonus部份！例牌主角專訪梗唔少得，但今次嚟多位特別嘉賓──真．少林方丈！由佢介紹少林寺嘅淵源就最適合不過啦；若嫌佢講嘢沉悶，可轉睇搭建少林寺製作花絮，以及劉華親手落髮「出家」一幕，加埋十幾段刪剪片段，齋Bonus都粒幾鐘！
Profile
容量：50GB
畫面：2.35:1
音效：DTS-HDMA7.1、DolbyTrueHD7.1
特別收錄：刪剪片段、幕後花絮、少林寺方丈專訪、搭建少林寺片段
