周日晚坐定定留喺電視機前，欣賞一年一度嘅香港電影金像獎頒獎禮，最開心唔係「檸檬」同「+0」首度登上影帝影后，反而最開心係《打擂台》贏得最佳電影。事後有人批評《打擂台》唔係大製作，唔算實至名歸，不過小弟認為《打擂台》確係好片。而且電影頒獎禮，或多或少都有政治任務，好似2010年奧斯卡，最佳電影唔係《阿凡達》，反而係《拆彈雄心》，多少同當年美國反戰情緒脗合。家8、90後成日自怨自艾，《打擂台》就係鼓勵年輕人唔好怕失敗，肯努力就有上位機會。
黑池今季一直都好努力，主攻風格更係中下游球隊清泉，小弟都好想佢留到英超，周六主場對紐卡素，唔可以再贏唔到。
牽牛
星期六27
黑池vs紐卡素
心水：黑池（下）
心得：黑池拼搏精神抵讚