【本報訊】泛民主派計劃大搞全民預選特首候選人之際，北京至今仍然未公開表態支持哪人出任下屆特首。不過，多名泛民主派和商界人士私下表示，近日有內地「中間人」或官員南下「收風」時不約而同稱，除非出現大意外和大問題，否則政務司司長唐英年將是下屆特首最好選擇，估計中央最快本年中表態。有立法會議員對唐英年的能力有保留。
料年中明確表態
據了解，北京對下屆特首人選未有最後定案，仍然四出收集意見，但有商界人士相信本年中，即7、8月份，北京會有較明確態度，「到時就會搵個有份量嘅人出嚟表態支持邊個，其他人就會知難而退」。他從內地官員的態度，感到唐英年仍是北京首選，因為由唐英年接班，政治上最穩陣，「佢哋（內地官員）話除非唐英年健康有好大問題，又或者有醜聞、涉及犯罪行為之類，否則由唐英年接係最順理成章、影響最細，係最好嘅選擇」。
有泛民中人也說，不只一名內地「中間人」稱，「諗唔到有乜嘢理由唔係唐英年接住做特首」，又指內地部份官員開始對另一熱門候選人、行政會議召集人梁振英的表現感到懷疑，「有啲官員開始發現，梁振英喺香港講某啲議題，同佢喺內地同官員講嘢唔係好同，懷疑唔知佢心入面邊句真」。
早前公開表示唐英年、梁振英非特首適合人選的新民黨葉劉淑儀，昨日雖說她早前是「講衰咗，講多咗」，但她不忘批評唐英年日前談及關愛基金十項援助項目款額時講錯數字，「佢成日都講錯數字o架啦，佢講關愛基金時，有冇面紅紅飲大咗呀」。葉太又拒絕評論全國人大常委范徐麗泰是否合適人選，只稱「佢係我師姐，我唔敢講，個個都好就算嘞，市民有得揀就最好啦」。