台灣女子組合S.H.E三名成員中，Selina有未婚夫張承中在患難中互相扶持，Ella更傳出婚訊，反而Hebe感情似乎未有着落。不過一直被指是斷背一族的Hebe，最近被發現和TB好友撐枱腳外還親暱睇戲，一包爆谷兩份食，關係不言而喻。
年多前台灣女子組合S.H.E成員Hebe曾和天王周杰倫傳緋聞，但自此之後感情生活似乎一直空白沒着落，相反其他兩位好姊妹如Selina和未婚夫張承中在患難中感情更加堅固，另一成員Ella近日更突然和男友傳出好事近，令Hebe更顯形單隻影。
撐枱腳密密傾
一直有傳聞指Hebe是斷背一族，最近她便被發現和TB好友鍾若涵在台北拍拖行街，令兩人親密關係浮面。當日Hebe與一身格仔衫和冷帽男仔打扮的鍾若涵去睇戲，Hebe則一身黑衫和黑帽素顏出現，但卻依然被人一眼認出。
入場前見Hebe和TB好友一起買了一包爆谷，實行一包兩份食，Hebe更放下偶像身份，竟懶得用手只用口去食爆谷，有失儀態。除了拍拖睇戲外，Hebe和鍾若涵也在另一日被目睹撐枱腳，兩人一路食一路傾，總之有講唔完的話題。
急撥開師弟手
據知原來這名TB鍾若涵曾當過周杰倫的助手，當她被揭發和Hebe過從甚密時，曾有人笑言鍾若涵在周杰倫手上「奪愛成功」。另外，日前Hebe和師弟倪安東一同出席某音樂頒獎禮時，當倪安東想一手搭落Hebe膊頭影相時，Hebe竟眼明手快立即將他的手撥開，不知是否怕被TB好友看到後會大呷乾醋呢？
撰文：葉雪
